اوعي تخلي بنتك تلببس النقاب قبل ما تتخطب وتتجوز

ازيكم يا بنات او يا امهات
العنوان ده مش كلامي
ده طبعا كلام الشيطان اللي قاعد علي كتف كل واحده ومدلل رجليه ونازل وش وش


كتير كنت اسمع الكلمه دي من امهات كتييييير جدا تكون بنتها شافت صحبه طيبه مثلا
او هي من نفسها ربنا هديها وتحب تلبس النقاب
اول حاجه طبعا البنت تروح تستأذن امها



وهنا يبدأ دور الام اللي ياريتها ما تكلمت وتقولها استني لما تتخطبي وتتجوزي

متعقديش نفسك من بدري
او
العريس هيجيلك ازاي وانتي مش باينه
او
انتي هتلبسيه يومين وهترجعي تخلعيه انا عرفاكي
او
(ودي الكلمه اللي تنرفز قويوسمعتها كتير)النقاب اما للجميله قوي او الوحشه قوي
او
النقاب مش فرض
او
يا اختي هو انتي بتصلي بانتظام لما تلبسي نقاب
او
.
.
او
حجج ملهاش نهايه



هقولك بقي ياقمر


اولا


شوفتي في الايه"وقضي ربك الا تعبدوا الا اياه وبالوالدين احسانا"
يعني ربنا امر بطاعته وقال بعدها علطول بدون اي فواصل "وبالوالدين احسانا"
يعني ربنا الزم الاحسان وطاعة الوالدين بطاعته
شوفتي ربنا بيحبك وخايف عليكي وبيأمر ابنائك انهم يحسنوا ليكي ويطعوكي

تقوموا انتي لما بنتك تطلب منك انها تطيع ربنا اللي كرمك وامرها بطاعتك تقومي انتي منعاها وقايله لها لا



مش مكسووووووووفه من نفسك دلوقتي في حق ربنا






ثانيا
ارد بقي علي حجج الشيطان التافهه

1-متعقديش نفسك من بدري
هو النقاب عقده
انا وماما واختي منتقبات والحمد لله فضل ونعمه من ربنا كل اللي بيدخل بيتنا يضحك
اللهم دمها نعمه
ولو منزلناش البلد في العيد ولاد خلاتي مش بيعرفوا يعيدوا
بالعكس لو كنتي فاكره ان بنتك لما تلبس بنطلون وبدي وتمشي جميله في وسط زمايلها ده هيسعدها انا ارد عليكي واقولك"ومن اعرض عن ذكري فان له معيشة ضنكا ونحشره يوم القيامه اعمي"
منين السعاده يا جميل


2-العريس هيجيلك ازاي وانتي مش باينه
ههههه
علي اساس ان العريس ده بيجي هديه في علبة المكياج اللي هتجيبها
انتي ناسيه ان العريس ده رزق من ربك وهو اللي يقدر يعطيهولك او يمنعه منك

بصي حواليكي كده هو كل اللي مش منتقبات متجوزين مثلا واللي مش منتقبات هما العوانس

بالعكس اللي لابسه نقاب دي طلبت الستر فلازم ربنا يسترها بدأت هي في اول خطوه في طريق الستر يبقي لازم ربنا يتملها سترها علي خير
انتي بقي مش خايفه ربنا يحرمك من نعمة الستر اللي هي مش بهمك في حاجه



3-انتي هتلبسيه يومين وهترجعي تخلعيه انا عرفاكي

مش عارفه اقولك ايه
بدل ما تقوليلها دي وتاخدي ذنب
خليكي ناصحه
لبسيها وافضلي شجعيها ومسكيها بيه اكتر
وان شاء الله كل خطوه بنتك هتمشي في الشارع لابسه النقاب انتب هتخدي عليها حسنه
يلا عبي واشبعي حسنات من غير تعب



4-النقاب اما للجميله قوي او الوحشه قوي
انا هسألك سؤال واحد وعاوزه اجابه سريعه(هاتيلي دليل وااااااحد يثبت كلامك من لكتاب او السنه)


5-النقاب مش فرض

لو فرض يبقي انتي قمتي بيه
مش فرض اكيد في قربه من ربنا حد مش حابب انه يبقي قريب من ربنا ويحس ان ربنا قريب منه






6-ياختي هو انتي بتصلي بانتظام اما تروحي تلبسي النقاب

اعتبريها بدايه وساعتها ارفعي ايدك جامد حامده وشاكره لربنا انه هدالك بنتك للخير دي نعمه غيرك بيتمناها متتنمرديش عليها احسن تتحرمي منها
واردأي دورك في تشجيعها وانها تتمسك بيه




لو حد عنده اي حجه تانيه يسمعنا

بس اغرب حجه سمعتها من صاحبتي هي لابسه خمار بس ربنا يهديها
قالتي انتي هتلبسي العفريت ده يارحاب ده انا بخاف من الجماعه دول
وشافت صورتي في مقابلة فتكات قالتلي بذمتك دي منطر بنيأدمه

دلوقتي اجيبلكم ادلة الحجاب والنقاب في القران والسنه
أدلة الحجاب من الكتاب والسنة

وفي هذه الأدلة برهان ساطع على وجوب الحجاب، وإفحامٌ واضح لمن زعم أنه عادة موروثة أو أنه خاصٌّ بعصور الإسلام الأولى.

أولاً: أدلة الحجاب من القرآن:

الدليل الأول: قوله تعالى: وَقُل للمُؤمِنَاتِ يَغضُضنَ مِن أَبصَارِهِن وَيَحفَظنَ فُرُوجَهُن وَلاَ يُبدِينَ زِينَتَهُن إِلا مَا ظَهَرَ مِنهَا وَليَضرِبنَ بِخُمُرِهِن عَلَى جُيُوبِهِن وَلاَ يُبدِينَ زِينَتَهُن إلى قوله: وَلاَ يَضرِبنَ بِأَرجُلِهِن لِيُعلَمَ مَا يُخفِينَ مِن زِينَتِهِن وَتُوبُوا إِلَى اللهِ جَمِيعاً أَيهَا المُؤمِنُونَ لَعَلكُم تُفلِحُونَ [النور:30].

قالت عائشة رضي الله عنها: { يرحم الله نساء المهاجرات الأُول؛ لما أنزل الله: وَليَضرِبنَ بِخُمُرِهِن عَلَى جُيُوبِهِن شققن مروطهن فاختمرن بها } [رواه البخاري].

الدليل الثاني: قوله تعالى: وَالقَوَاعِدُ مِنَ النسَاء اللاتي لاَ يَرجُونَ نِكَاحاً فَلَيسَ عَلَيهِن جُنَاحٌ أَن يَضَعنَ ثِيَابَهُن غَيرَ مُتَبَرِّجَاتِ بِزِينَةٍ وَأَن يَستَعفِفنَ خَيرٌ لهُن وَاللهُ سَمِيعٌ عِلِيمٌ [النور:60].

الدليل الثالث: قوله تعالى: يأَيهَا النبِي قُل لأزواجِكَ وَبَناَتِكَ وَنِسَاء المُؤمِنِينَ يُدنِينَ عَلَيهِن مِن جَلابِيبِهِن ذلِكَ أَدنَى أَن يُعرَفنَ فَلاَ يُؤذَينَ وَكَانَ اللهُ غَفُوراً رحِيماً [الأحزاب:59].

الدليل الرابع: قوله تعالى: وقَرنَ فِي بُيُوتِكُن وَلاَ تَبَرَّجنَ تَبَرجَ الجاَهِلِيةِ الأولَى [الأحزاب:33].

الدليل الخامس: قوله تعالى: وَإِذَا سَأَلتُمُوهُن مَتَاعاً فـاسـأَلُوهُن مِن وَرَاء حِجَابٍ ذلِــكُم أَطهَرُ لِقُلُوبِكُم وَقـُلُوبِهِن [الأحزاب:53].

ثانياً: أدلة الحجاب من السنة:

الدليل الأول: في الصحيحين أن عمر بن الخطاب قال: يا رسول الله، احجب نساءك. قالت عائشة: فأنزل الله آية الحجاب. وفيهما أيضاً: قال عمر: يا رسول الله، لو أمرتَ أمهات المؤمنين بالحجاب. فأنزل الله آية الحجاب.

الدليل الثاني: عن ابن مسعود عن النبي قال: { المرأة عورة } [الترمذي وصححه الألباني].

الدليل الثالث: عن ابن عمر رضي الله عنهما قال: قال رسول الله : { من جرَّ ثوبه خُيَلاء لم ينظر الله إليه يوم القيامة } فقالت أم سلمة رضي الله عنها: فكيف يصنع النساء بذيولهن؟ قال: { يرخين شبراً } فقالت: إذن تنكشف أقدامهن. قال: { فيرخينه ذراعاً لا يزدن عليه } [رواه أبو داود والترمذي وقال: حسن صحيح].


أدلة سَتر الوجه من الكتاب والسنة

أولاً: قوله تعالى: وَليَضرِبنَ بِخُمُرِهِن عَلَى جُيُوبِهِن [النور:30].

قال العلامة ابن عثيمين: ( فإن الخمار ما تخمِّر به المرأة رأسها وتغطيه به كالغدقة، فإذا كانت مأمورة بأن تضرب بالخمار على جيبها كانت مأمورة بستر وجهها ).

ثانياً: قوله تعالى: يأَيهَا النبِي قُل لأزواجِكَ وَبَناَتِكَ… [الأحزاب:59].

قال ابن عباس رضي الله عنهما: ( أمر الله نساء المؤمنين إذا خرجن من بيوتهن في حاجة أن يغطين وجوههن من فوق رءوسهن بالجلاليب ). قال الشيخ ابن عثيمين: ( وتفسير الصحابي حجة، بل قال بعض العلماء إنه في حكم المرفوع إلى النبي ).

ثالثاً: عن ابن عمر رضي الله عنهما أن النبي قال: { لا تنتقب المرأة المحرمة ولا تلبس القفازين } [رواه البخاري].

قال القاضي أبو بكر بن العربي: ( قوله في حديث ابن عمر: { لا تنتقب المرأة المحرمة } وذلك لأن سترها وجهها بالبرقع فرض إلا في الحج، فإنها ترخي شيئاً من خمارها على وجهها غير لاصق به، وتعرض عن الرجال ويعرضون عنها ).

وقال شيخ الإسلام ابن تيمية: ( وهذا مما يدلّ على أن النقاب والقفازين كانا معروفين في النساء اللاتي لم يحرمن، وذلك يقتضي ستر وجوههن وأيديهن ).

رابعاً: في قوله : { المرأة عورة } دليل على مشروعية ستر الوجه. قال الشيخ حمود التويجري: ( وهذا الحديث دالّ على أن جميع أجزاء المرأة عورة في حق الرجال الأجانب، وسواءٌ في ذلك وجهها وغيره من أعضائها ).