قصة بعنوان (حب ماسنجر)

[size=16](( قصه جميله..))
يوم الخميس الساعة 9 المساء..
ملاك/ مع وجهك يامروى ليه مو داخله المسن اليوم .. والله حدي زهقانه ...وااي اضافه من مين؟؟؟خليني اقبل واشو ف مين..
ظل يجري دمع العين/ مراحب
بنت المشاعر/مرحبتين مين معي؟
ظل يجري دمع العين/ ضروري تعرفين؟
بنت المشاعر/ اكيد ضروري..
ظل يجري دمع العين/ خليها بعدين..
بنت المشاعر/طيب ممكن اعرف كيف اخذت الاميل؟
ظل يجري دمع العين/ ابصراحه بالصدفه عرفته واضفته..
بنت المشاعر/ايوه فهمت..
ظل يجري دمع العين/ اذا هالشيء يضايقك احذفه على طول..
بنت المشاعر/ اذا عرفت لي عن نفسك مابيضايقني..
ظل يجري دمع العين/ طيب لو اكون ولد بتكلميني؟
بنت المشاعر/ لا طبعا..
ظل يجري دمع العين/ اجل انا بنت..اسمي ريم..
بنت المشاعر/ حلو اسمك عاشت الاسامي.. كم عمرك؟؟
ظل يجري دمع العين/25 سنه..
بنت المشاعر/العمر كله انشاء الله..
ظل يجري دمع العين/ تسلمين وانتي عرفي عن نفسك..
بنت المشاعر/ انا اسمي ملاك..عمري 19 سنه وآخر سنه دراسه في الثانوي قسم علمي..
ظل يجري دمع العين/ عاشت الاسامي ياملوكه..
....طيب ممكن اسألك سؤال شخصي؟؟
بنت المشاعر/ تفضلي..
ظل يجري دمع العين/ انتي مرتبطه؟؟
بنت المشاعر/ لا..
ظل يجري دمع العين/ بالتوفيق انشاء الله..
بنت المشاعر/ مشكوره..طيب انا اسألك سؤال شخصي؟؟
ظل يجري دمع العين/ اكيد تفضلي..
بنت المشاعر/ ليه حاطه لقب حزين كذا؟؟
ظل يجري دمع العين/ عشان يعبر عن اللي داخلي..
بنت المشاعر/ مو حلو الحزن..
ظل يجري دمع العين/ واذا حياتي كلها حزن؟..
بنت المشاعر/ ممكن تعتبريني صديقتك؟..
ظل يجري دمع العين/ اكيد انا ارتحت لك كثير..
بنت المشاعر/ شكرا كلك ذوق...ريوم انا مضطره الحين اطلع لان جاو ضيوف في بيتنا ولازم اقابلهم..
ظل يجري دمع العين/ اخذي راحتك عادي..
بنت المشاعر/ متى بتدخلين مره ثانيه؟
ظل يجري دمع العين/ انا طول الليل داخله اضيع وقت..
بنت المشاعر/خلاص اجل اشوفك بعدين
ظل يجري دمع العين/ ماشي..
بنت المشاعر/ بايوو..
ظل يجري دمع العين/ باي..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
؛؛؛؛؛؛؛؛؛؛؛؛؛؛؛؛؛؛؛؛؛
الساعه 2 بعد نص الليل...
ريم/ (تضرب الباب) أدخل؟؟؟
بدر/ دخلي ريوم..
ريم/ لين الحين جالس؟؟
بدر/ مافيني النوم..
ريم/ بدور خلاص لا تضايق حالك اكثر من كذا والله مو حلو عليك الهم..
بدر/ ريم خلاص سكري الموضوع..
ريم/ بدور انت تعرف كثر غلاك عندي ماأقدر اشوفك بهالحال واسكت..
بدر/ ريم خلاص طلعي ابي انام..
ريم(بحزن) ماشي تصبح على خير..
بدر/ وانت من اهل الخير..
....سكر الاب توب وسند راسه على السرير...
بدر/ انا ليه سويت كذا ليه كذبت على البنت وقلت لها اني بنت وبعد اخذت اسم اختي شو اللي خلاني اسوي كذا ..آآآه ياربي..
>>>غمض عيونه وحاول ينام<<<
,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,
اليوم الثاني..الساعه 11..
بنت المشاعر/ هلا والله ريوم..
ظل يجري دمع العين/ هلا بيك...أخبارك؟؟
بنت المشاعر/ تمام الحمد لله..
ظل يجري دمع العين/ انتظرتك البارح ومادخلتي ..
بنت المشاعر/ ماراحو بنات عمي الا متأخرين وعلى طول نمت..
ظل يجري دمع العين/ اهااا..
بنت المشاعر/ انتظرتيني كثير؟؟
ظل يجري دمع العين/لين الساعه 2..
بنت المشاعر/ واااي انا آسفه حبيبتي ..
((وكملو سوالف وتعارف لين الساعه 2ونصف))
بنت المشاعر/ ريوم انا بطلع الحين بروح انام عشان بكره مدرسه
ظل يجري دمع العين/ ماشي تصبحين على خير..
بنت المشاعر/ وانت من اهل الخير..بايوو.
""""""""""""""""""""""""""""""""""""""""""
"""""""""""""
مروى/ امليكه او وجع ليه جايه متأخره اليوم وكمان مو مصحصه فيك النوم؟؟
ملاك/ البارح مانمت الا متأخره..
مروى/ شو قاعده تسوين؟؟
ملاك/ جالسه على المسن..
مروى/ ماني خابره عندك احد تكلمينه والا جالسه عالمنتدى؟؟
ملاك/ يوم الخميس تعرفت على صديقه جديده..
مروى/ ملوك انتبهي مو أي احد تتعرفين عليه لازم تعرفين ان اهلك معطينك الثقه وحاولي تحافظين عليها..
ملاك/ اللي يسمعك يقول اني متعرفه على اولاد كلها بس تعرفت على وحده..
مروى/ انتي متأكد انها وحده؟؟
ملاك/ شو قصدك؟؟
مروى/ يعني بنت مو ولد؟؟
ملاك/ لا اكيد بنت لان هذا اول سؤال سألتها..
مروى/ النك حقها شو يدل عليه؟؟
ملاك/ عادي ينفع لبنت ولولد..
مروى/ ملوكه ياقلبي تأكدي بالأول اوكيه..يله انا الحين بروح اجت سيارتي..
ملاك/ بايوو ياقلبي..
،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،
ريم / بدور كل هذا نوم خلاص قوم اروح المدرسه وارجع وانت نايم يله عاد قوم تغدا معاي..
بدر/ ريوم روحي عني خليني انام.
ريم/ لا قوم بلا كسل ياخي اشتقنا لك حتى بابا يسأل عنك ..
بدر/ قولي له مات..
ريم/ اسم الله عليك لا تقول كذا الدنيا لسى بخير..
بدر/ خلاص روحي وانا اجي وراك..
ريم/ اذا تأخرت بجي لك مافي فكه مني..
بدر/ اوووووف..طيب..
.................................................. ..
..........................
ملاك/ معقوله كلاك مروى صحيح ؟؟ انا لازم اتأكد اليوم ..
...الساعه 9 المساء...
ملاك/ ياربي هذي متى بتدخل..تأخرت كثيير اوووف..
الساعه 10..
ظل يجري دمع العين/ مراحب..داخله بدري اليوم..
بنت المشاعر/ اهلين ساعه وانا انتظرك ..
ظل يجري دمع العين/ آمري واشبغيتي؟؟
بنت المشاعر/ لا بس اشتقت لك..
ظل يجري دمع العين/ متأكده؟؟
بنت المشاعر/ ايوه اشفيك مو مصدقه؟
ظل يجري دمع العين/ بلى مصدقتك..
بنت المشاعر/ أي افكر بعد..الا وينك مساعه؟
ظل يجري دمع العين/ كان عندي شغل..
بنت المشاعر/ خلصتيه؟
ظل يجري دمع العين/ ايوه .. احساسي يقول ان عندك كلام قوليه انا اسمعك..
بنت المشاعر/ ابصراحه ايوه انا ابي اتأكد انك بنت مو ولد..
ظل يجري دمع العين/ وكيف بتتأكدين؟
بنت المشاعر/ ماأدري بس بأي شيء..
ظل يجري دمع العين/ اشرايك تسمعين صوتي عالجوال؟>>قويه..
بنت المشاعر/ يكون احسن..
ظل يجري دمع العين/متى>>مصدق عمره..
بنت المشاعر/ لا خلاص صدقتك وانا آسفه على هالشيء >>تخيلو لو ماتراجعت؟؟
ظل يجري دمع العين/ اشفيك تراجعتي ماتبين تسمعين صوتي>>مصدق عمره لاعب الدور صح..ههه
بنت المشاعر/ خلاص خليها لوقت ثاني>>على نياتكم ترزقون..
ظل يجري دمع العين/ اوكيه براحتك..
ملاك/ مع وجهك يا مريوه شككتيني في البنت..
...............................
....بعد شهر....
بنت المشاعر/ ليه كل هالحزن؟؟ قولي لي اللي بداخلك..
ظل يجري دمع العين/ ومستعده تسمعيني للنهايه؟؟
بنت المشاعر/ اكيد كلي آذان صاغيه..
ظل يجري دمع العين/ خليها لوقت ثاني..
بنت المشاعر/ اليوم الاربعاء بجلس لك لين الصباح واذا بغيتي لين الظهر ماعندي مانع..
ظل يجري دمع العين/ ماشي.. شو تبين تعرفين؟
بنت المشاعر/ سبب الحزن اللي فيك؟
ظل يجري دمع العين/ في غيره الحب يسوي في الانسان كذا؟
بنت المشاعر/ ايوه طلعتي عاشقه..ومين سعيد الحظ..
ظل يجري دمع العين/ شخص خاين مايعرف شيء عن معنى هالكلمه..
بنت المشاعر/ واااي صدمتيني..
ظل يجري دمع العين/ هذا مابعد تسمعين شيء..
بنت المشاعر/ كملي..وعلى فكره تراني شبيهتك..
ظل يجري دمع العين/ اووه كيف؟؟
بنت المشاعر/ يعني مثلك مجنونه من الحب..
ظل يجري دمع العين/ ايوه كملي..
بنت المشاعر/ لالالا بالأول انتي قولي قصتك..
ظل يجري دمع العين/ كنت احب ولد عمي والكل شاهد على حبنا واكثير يحسدونا..
بنت المشاعر/ ايوه كملي..
ظل يجري دمع العين/ وفي لحظه خذاها غيري..
بنت المشاعر/ قصدك اخذ غيرك؟؟
ظل يجري دمع العين/ ايوه بس أخطأت في الكتابه..
بنت المشاعر/ يعني معناها ماكان يحبك وكان يتسلى بمشاعرك..
ظل يجري دمع العين/ الكل يقول غصب عنه بس انا شايف غير كذا بأمكانها ترفض..
ملاك/ اشفيها هذي انقلب لسانها..
بدر/ اوه اشفيني خبطت..انشاء الله ماتنتبه..
ظل يجري دمع العين/ اشفيك سكتي؟
بنت المشاعر/ قاعده استمع لك..
ظل يجري دمع العين/ أي وبس هذا ملخص الأحداث..
بنت المشاعر/ وظل قلبك جريح وينزف..
ظل يجري دمع العين/ ايوه بالضبط..
بنت المشاعر/ الله يعينك صحيح اللي يسمع مصيبت غيره تهون عليه مصيبته..
ظل يجري دمع العين/ ايوه وشالمصيبه اللي عندك؟
بنت المشاعر/ انا بعد احب شخص عمره مافكر فيني ولا يدري عن هوا داري..
ظل يجري دمع العين/ كيف يعني مافهمتك؟
بنت المشاعر/ من وانا صغيره كنت اشوف ولد جيرانا اذا رحت العب مع اخته..اكبر مني ب 6 سنوات..ودائما يجي جنبنا يسولف معانا ويتمسخر علينا..
ظل يجري دمع العين/ ايوه وبعدين..
بنت المشاعر/ صرت احبه وتعلقت احلامي بعالمه..
ظل يجري دمع العين/ وطبعا اهو مايعرف هالشيء؟؟
بنت المشاعر/ يوم من الايام قلتها له..
ظل يجري دمع العين/ ايوه وشو كانت ردة فعله؟
بنت المشاعر/ كانت عاديه جدا لاني كنت في نظره صغيره وماأعرف معنى هالكلمه .. مايدري اني كنت مستعده اضحي بعمري عشانه..
ظل يجري دمع العين/ وبعدين شنو صار؟
بنت المشاعر/ احنا شرينا بيت ثاني في منطقه ثانيه وبعيد عن بيتهم وغاب عن عيني..
ظل يجري دمع العين/ ومابرح حبه في قلبك؟؟
بنت المشاعر/ اهو جرح قلبي من دون مايدري..
ظل يجري دمع العين/ كيف؟؟
بنت المشاعر/وقت ماقررت اني ابي اوصل له بأي طريقه اكتشفت انه يحب بنت عمه حب موووت..
ظل يجري دمع العين/ وتراجعتي عن قرارك؟
بنت المشاعر/ اكيد..لأني حبيته من قلب واتمنى له الخير وماأبي أخرب حياته وهذي بنت عمه فأكيد بتكون له..
ظل يجري دمع العين/ والحين شو؟؟
بنت المشاعر/ احاول اتجنب اخباره بأي طريقه عشان قلبي مايتعذب اكثر من عذابه حتى اخته قطعت علاقتي فيها عشان ماأخطا بشيء..
ظل يجري دمع العين/ انتي قلبك كبير..
بنت المشاعر/ بس يشتعل نار..انتي ماجربتي الحب من طرف واحد شو يكون..
ظل يجري دمع العين/ شو اسمه ومين ولده؟
بنت المشاعر/ شو بتستفيدين؟
ظل يجري دمع العين/ يمكن نعرف عايلته..
بنت المشاعر/ توعديني انه الشيء سر بينا؟
ظل يجري دمع العين/ اكيد..
بنت المشاعر/اسمه بدر محمد..
بدر/ اوه هذا اسمي..مين يكون هذا سميي؟؟
بنت المشاعر/ شاب مثل القمر يطير العقل برزته وكشخته وصوته ونبرته..
ظل يجري دمع العين/ بس لا تموتين علينا..
بنت المشاعر/ لو انك تشوفينه كان ماقلتي لي كذا..
ظل يجري دمع العين/ الرجال حلو بخلاقه مو بشكله..
بنت المشاعر/ لما حب بنت عمه حبها من قلب يعني ماعنده سوالف وخرابيط
ظل يجري دمع العين/ شكلك تحسدينها بنت عمه..
بنت المشاعر/ لو بأيدي ذبحتها..بس ماأبي احرق قلبه عليها..
ظل يجري دمع العين/ خاطري اشوفه هذا اللي ماتبين تحرقين قلبه..
بنت المشاعر/ ابشرط؟
ظل يجري دمع العين/ شنو شرطك؟
بنت المشاعر/ تشوفينه وتحذفينها على طول؟؟
ظل يجري دمع العين/ يعني عندك صوره؟
بنت المشاعر/ اكيد اتأمل فيها كل يوم..
ظل يجري دمع العين/ شكلك مو سهله ابد..
بنت المشاعر/ دقايق وارسلها لك..
ظل يجري دمع العين/ وصلت صبري اشوي ابي افتحها..
صــــــ ـــــــ ــــــد مــــــ ـــــــ ــــه
**
**
**
بدر/مستحيل(يفرك عيون) لالا هذا انا..
بنت المشاعر/ ريوم وين رحتي تراه حبيبي..ليكون طير عقلك؟؟
ظل يجري دمع العين/ معاك..من وين جبتي الصوره ..
بنت المشاعر/ من قلبي راسمها..ها عجبك؟؟
ظل يجري دمع العين/ كثير..تعرفينها اخته للحين؟؟
بنت المشاعر/ لا قطعت علاقتي بيها من فتره طويله..
ظل يجري دمع العين/ ليه؟؟
بنت المشاعر/ قلت لك السبب من قبل..
ظل يجري دمع العين/ ملوكه شو اسم ابوك؟
بنت المشاعر/ عبد الرحمن.
ظل يجري دمع العين/ كثر شو تحبينه؟
بنت المشاعر/ مين ابوي؟؟
ظل يجري دمع العين/ لا اقصد بدر؟
بنت المشاعر/ ماتتوقع شو كثر احمل له من مشاعر .. كل يوم اكتب له خاطره اناديه فيها..
ظل يجري دمع العين/ ابي اقرأ خواطرك..
بنت المشاعر/خلاص ارسلهم لك في وقت ثاني..
ظل يجري دمع العين/ لا الحين..
بنت المشاعر/ ماشي برسلهم وبطلع جاني النوم..
ظل يجري دمع العين/ اوكيه ياقلبي..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,
,,,,,,,,,,,,,,,,,,,,,,,,,,,,,,,,,,
,,,,,,,,وبعد اسبوع,,,,,,,,
بنت المشاعر/ متأكده كل هالكلام لي؟؟
ظل يجري دمع العين/ ايوه لك..ابصراحه انا معجب فيك كثيير..
بنت المشاعر/ هذا ماشفتيني ومعجبه فيني ؟
ظل يجري دمع العين/ شفتك في قلبي..
بنت المشاعر/ اشفيك ريوم كأني بديت أخاف منك..
ظل يجري دمع العين/ ليه تخافين الحب مايخوف..وبعدين انا عندي فراغ عاطفي وانت مثلي خلاص اجل نحب بعض انا وانتي..
بنت المشاعر/ قلبي ملكه شخص واحد وماأظن بيدخل غيره احد..
ظل يجري دمع العين/ ملوكه ابي اشوفك ضروري..
بنت المشاعر/ كيف؟
ظل يجري دمع العين/ فتحي الكاميرا اللي عندك..
بنت المشاعر/ مستحيل..
ظل يجري دمع العين/ مافي ثقه؟؟
بنت المشاعر/ الا بس مستحيل افتح الكام..
ظل يجري دمع العين/ طيب شوفي عندنا زواج يوم الخميس الجاي اشرايك تجين فيه؟
بنت المشاعر/ آخذ راي امي بالأول..
ظل يجري دمع العين/ خلاص اخذيه وعطيني خبر..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
؛؛؛؛؛؛؛؛؛؛؛؛؛؛؛؛؛؛؛؛
بدر/ ريوم تعالي ابغاك اشوي..
ريم/ آمرني اشفيك؟
بدر/ ابي منك خدمه..
ريم/ اذا اقدر من عيوني..
بدر/ خلاص انا قررت ابي اتزوج..
ريم/(مو مستوعبه) شو..من جدك بدور؟؟
بدر/ايوه .. وابيك تشوفين بنت وتوصفين لي شكلها..
ريم/ من وين تعرفها:؟
بدر/ بالصدفه عرفتها وقلبي تعلق فيها..
ريم/ اشلون يعني؟
بدر/ اقول لك السالفه بس ها ماحد يعرفها اوكيه؟
ريم/ لا تخاف مابقول لأحد
(وقال لها السالفه)
ريم/ بس هذا خطأ..
بدر/ اهيا لحد الحين تفكرني بنت..
ريم/ وشو المطلوب مني؟؟
بدر/ تقابلينها وكأن اللي كان يكلمها انتي
ريم/ بس اهيا تعرفني؟
بدر/ من زمان ماشافتك يعني نست شكلك..
ريم/ اذا جاء الخميس يصير خير..
بدر/ ولك مني اللي تبينه يصير بس ها لا تقولين لها انك تعرفيني يعني تعرفين بدر اوكيه؟ ويمكن بعد تكلمينها على الجوال..
ريم/ بعد اكلمها؟؟
بدر/ أي ابي اسمع صوتها فيها شيء.. بتصير خطيبتي..
ريم/ ياخوفي يا بدور تطيح مره ثانيه..
بدر/ في البدايه جربنا نحب ومانجح..انجرب الحين ننحب..
ريم/ وانا اقول اشفيه الولد تغير واربع وعشرين ساعه جالس على الاب توب طلعت مو هين..
بدر/ يله قومي طلعي خليني انا بكره وراي دوام..
ريم/ من جدك بدور بتداو بكره؟
بدر/ لازم عشان اتزوج..
ريم/ يابعدهم انت كلهم هذا الكلام العدل..
..................................
...................
بنت المشاعر/ اوه شوه اللقب الجديد..
القلب سلم لك امره/ عجبك؟
بنت المشاعر/ ايوه احلى من هذاك ..
القلب سلم لك امره/ على فكره هذا له معنى..
بنت المشاعر/ قولي شو معناه؟
القلب سلم لك امره/ لا مابقول سر..
بنت المشاعر/ انا اوريك يالنذله .. انتظري اشوي..
مضـــــ الحب ــــــيع/ها اشرايك؟
القلب سلم لك امره/ شوه اللقب ليه حاطته كذا جدا مو حلو..
مضـــــ الحب ــــــيع/ عشان يدل على معاناتي..
القلب سلم لك امره/ الفرج انشاء الله قريب..
مضـــــ الحب ــــــيع/ ماأتوقع..
القلب سلم لك امره/ تفائلوا بالخير تجدوه..
مضـــــ الحب ــــــيع/ الله يسمع منك..
القلب سلم لك امره/ يله غيريه..
مضـــــ الحب ــــــيع/ ماعندي غيره..
القلب سلم لك امره/ لحظه اعطيك لقب حلو..
اشرايك في هذا( قـــلــ ملكت ــــبــك )
مضـــــ الحب ــــــيع/ اشمعنى اخترتي هذا؟
القلب سلم لك امره/ حطيه وبعدين اقول لك..
مضـــــ الحب ــــــيع/ تقولين لي السببين؟
القلب سلم لك امره/ ماشي بس حطيه..
قـــلــ ملكت ــــبــك/ ها اشرايك؟؟
القلب سلم لك امره/ فديت الشاطر انا..
قـــلــ ملكت ــــبــك/ ايوه تذكرت؟
القلب سلم لك امره/ شنو؟
قـــلــ ملكت ــــبــك/ قلت لأمي وقالت عادي روحي بس ابشرط
اهيا معاي..
القلب سلم لك امره/ عادي حياها الله فرصه نتعرف على امك..
قـــلــ ملكت ــــبــك/ بس كيف اعرفك وتعرفيني وماأدل الأستراح..
القلب سلم لك امره/ هذا رقمي دقي علي واوصف لك المكان واذا وصلتي الاستراح كلميني واقابلك.**********.
قـــلــ ملكت ــــبــك/ وهذا رقمي عشان لما ادق تعرفيني..
**********
القلب سلم لك امره/ اشرايك اكلمك الحين؟
قـــلــ ملكت ــــبــك/ ماشي..
بدر/ ريوم وينك تعالي بسرعه..
ريم/ اشفيك؟
بدر/ وين جوالك بسرعه.
ريم/ اشتبي فيه؟
بدر/ بتكلمين ملاك الحين..
ريم/ لا استحي..
بدر/ يله عاد يهون عليك اطلع كذاب..
ريم/ ماأعرف شنوا قول لها..
بدر/ انا بقول لك كل اللي تقولينه..
ريم/ بس رصيدي بيخلص..
بدر/ اشحن لك قد شهر بس خلصينا..
ريم/ اذا كذا اوكيه..
بدر/ تعالي جلسي هنا..يله دقي الرقم..
ملاك/ الو..
...ذابو على الصوت النعووم..
ريم / السلام..
ملاك/ هلا والله وعليكم السلام..
ريم/ اخبارك ملوكه؟
ملاك/ تمام الحمد لله..
ريم/ اشفيك مستحيه.؟.
ملاك/ اكيد اول مره اكلمك ..
ريم/ يله عقبال ما أشوفك على الطبيعه..
ملاك/ انشاء الله..
~~~~~~~~~~~~~~~~~~~~~~~~~~
~~~~~~~~~~
..بعد اسبوع..
بدر/ مثل ماوصيتك اوكيه
ريم/ فهمت والله فهمت خلاص عاد فكني..
بدر/بعد اشوي بتدق عشان تدل مكان الاستراحه تعرفين توصفينها؟
ريم/ أي اعرف..
...
...
ملاك/ هلا ريوم انا دخلت الاستراحه انتي وينك؟
ريم/ انا موجوده جنب اول طاوله على اليمين لابسه احمر..
ملاك/ ايوه شفتك خلاص
(وراحت لها)
ملاك/ مرحبا ريوم..
ريم/( داخت على جمالها عمرها ماشافت بالكون مثله تذكرت شكلها لما كانت صغيره بس لما كبرت احلوت بزياده)
انتي ملاك سبحان الله اسم على مسمى..
(ملاك وردت اخدودها من الاحراج)
...وجلسوا على طاوله لحالهم عشان يتعرفون على بعض...
ريم/ مع وجهك يابدير ماأنت بسهل..
ملاك/ ايوه شو تقولين؟
ريم/ سلامتك حبيبتي اشرايك نتمشى في الحديقه اشوي لاني بصراح ابي اتعرف عليك اكثر والصوت عالي..
ملاك/ ماشي براحتك..
(وهم يمشون دقت على بدر رنه وحده وفهمها)
ريم/ ابصراحه ماتوقعتك كذا؟
ملام/ شو توقعتيني؟
ريم/ رسمت لك صوره حلوه بس طلعتي احلى واحلى..
ملاك/ وانتي بعد اسلوبك وعمرك بالمسن غير كأني مع انسانه ثانيه..
ريم / مع وجهك بدور كأنك بتوهقني..
...بعد ساعتين...
ملاك/ يله ريوم مع السلامه جات السياره..
ريم/ خلك بعد اشوي..
ملاك/ تبين امي تذبحني ..
ريم/ ماشي ..اشوفك مره ثانيه ..
ملاك/ بايووو..
.................................................. .................................................. ...
ريم/بدر بدر بدور اشفيك صاير مهبول..
بدر/ ياربي.. تهبل تجنن قمر وربي قمر..عمري ماشفت مثلها وين امي خليها بكره تروح بيتهم خلاص ماأقدر اتحمل بموت..
ريم/ تصدق الكل انهبل عليها وماخلوني ارتاح كل يسألوني عنها يبون يخطبونها حتى عمتي بعد..
بدر/ لا والله كفايه خذت مني وحده تبي الثانيه بعد حاضرتها..
ريم/ روح لأمي بسرعه قبل ماتطير منك البنت..
.................................................. ................
..بعد اسبوع..
القلب سلم لك امره/ملوكه انا ناويه ازورك دليني بيتكم..
قـــلــ ملكت ــــبــك/ حياك الله ياقلبي اذا ماشالتك الارض تشيلك عيوني..
القلب سلم لك امره/ بجي واحتمال كبير تكون معاي امي..بنخليها مع امك واحنا بنكون لحالنا..
قـــلــ ملكت ــــبــك/ حياكم الله..
القلب سلم لك امره/ تسلمي ياقلبي..
قـــلــ ملكت ــــبــك/ هذا هو -----
القلب سلم لك امره/ خلاص عرفته مشكوره..
....بعد يومين....
ملاك/ هلا والله هلا وغلا تو مانور البيت..
ريم/ منور بأهله ياقلبي..
ملاك/ اخبارك ياخالتي..
ام بدر/ الحمد لله يابنيتي..
ام ملاك/هلا والله تفضلوا..
ملاك/ تعالي نروح الغرفه
ريم/ مافي احد من خوانك؟
ملاك/ ريوم انا قايله لك اني وحيدة اهلي..
ريم/ اوه نسيت سوووري ..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بدر/ ها يما اشرايك في البنت ؟
الام/ تطيح الطير من السماء..
بدر/ فتحتي الموضوع مع امها؟
الام/ أي فتحته الاول بيسألون عنك وبعدين بيعطونا الرد..
بدر/ ابي الموضوع يتم ابسرعه..
الام/ اثقل يارلد..
.................................................. .......
.......................
ملاك/ شنو تقولين يما؟؟ جايين يخطبوني ؟؟
الام/ ايوه لولدهم اسمه بدر..
ملاك/ بعد اسمه بدر؟
الام/ شو قلتي؟
ملاك/سلامتك يما ولا شيء ..
الام/ انتي فكري على مانسأل عن اخلاقه ولك اسبوع..
ملاك/ انشاء الله يما..
................................
(هذا وانا قايله لها ان قلبي متعلق في انسان تجي وتخطبني لاأخوها..ياربي شسوي أوافق واعيش مع انسان وقلبي متعلق بغيره .. واذارفضت شنو بقول السبب؟؟ولمتى برفض وهو حتى مايعرفني .. وبعد هو قلبه متعلق بغيري.. يعني مافي امل..يمكن اذا وافقت انساه وارتاح..ياربي دلني على الصواب يارب)..
..بعد اسبوع..
الام/ ها يابنيتي شو ردك؟؟الولد الكل يمدحه ومايعيبه شيء..
ملاك/ اللي تشوفونه يما..
الام/ كلللللوش..والله وصرتي عروس يا ملوك..
(ابتسمت ابتسامة الخوف من قرارها)
***يوم الملكة***
ريم/ يبي يشوفك بعد الملكه..
ملاك/ لا مستحيل مو هذا اتفاقنا..
ريم / لا والله اذا ناويه علي اليوم لا تخلينه يشوفك..
ملاك/ والله حدي خايفه ..
ريم/ ملوكه تبين تشوفين صورته؟؟
ملاك/ لا
ريم/ متأكده؟
ملاك/ أي متأكده..
ريم/ اخاف تنصدمين لما تدخلين..
ملاك/ ريوم خلاص عاد ترى اشوي وبصيح..
ريم/ خلاص خلاص لا تخربين المكياج..
...بعد الملكه...
ريم/ يله دخلي..
ملاك/ ماأبي..
ام ملاك/ يله ملوكه بلا دلع هذا الحين زوجك ..
ملاك/ اخاف..
ام بدر/ لا تخافين مابياكلك بس بيشوفك خمس دقايق بعدين طلعي ..
ملاك/ (والدمعه بعيونها)بس دقيقه..
ريم/ أي هين دقيقه اذا ماقعدتي عنده الين نص اللي ماأكون انا بنت ابوي..
ملاك/ ريوم دخلي معاي..
ريم/ والله قايل لي اذا شاف وجهي اليوم معناها آخر يوم لي في الدنيا..
ام ملاك/ يلا عاد بلا دلع دخلي..
.. دخلت المجلس بخطوات متثاقله وتحس ان كل شيء فيها يرجف وقلبها بيطلع من مكانه..
بدر( وقف لها واخذ يدها وسحبها وهي حتى مارفعت عيونها وشافته)
بدر/ رفعي راسك ابي اشوف ملامحك..
(رفعت راسها اشوي اشوي الين تلاقت عيونها بعيونه)
مصدومه>>
مو مصدقه>>
فرحانه>>
ابتضحك>>
والا بتصيح>>
<<مو عارفه شنو تسوي>>
ملاك/ بدر!!!!!!!
بدر/ ياعيون وروح بدر انتي..
....وطاحت بين ايديه مغمي عليها...
..
..
..
..
..
..
..
..
..
..
بعد دقيقتين..فتحت على امل تشوف اللي صار حقيقه مو حلم..
لكن..
>
>
>
>
>
>
>
>
>
لقت نفسها بين احضانه وحاط راسها على صدره ويلعب بخصلات شعرها ويتأمل ملامحها الناعمه..
ملاك/ يعني انا في حقيقه مو حلم؟؟
بدر/ انا اللي الحلم اني اشوف هالجمال الخيالي..
((رفعت راسها وضمته وصارت تبكي من الفرحه))
بعد شهر.....
ريم/ خلاص ياخي ماشبعت منها اربع وعشرين ساعه متنقع عندها..
بدر/ انتي اشعليك مني ؟؟
ريم/ خايفه عليكم تملون من بعض..
بدر/ لو تشوفينها بعد قلبي كيف ميته علي ماودها تشيل عيونها عني..
ريم/ اشوفها صارت حتى ماتعطينا وجه مره وحده..
بدر/ هي انتي لا تغلطين..
ريم/ تعال بدور بقولك آخر الأخبار..
بدر/ قولي شو؟
ريم/ ماقالت لك ملاك كيف التقت ببنت عمي والموقف اللي صار؟
بدر/ لا ماقالت شيء..
ريم/ والله خفت على ملاك هذاك اليوم..
بدر/ اسم الله عليها..
ريم/ بس ماعليك مافي اقوى منها...لما الامر يتعلق ببدر تصير اسد..
بدر/ احسن خليها كذا..
ريم/ هذاك اليوم لو بكيفهم ذبحوها بصراحه ..
بدر/ تتوقعين انا بخليهم يحركون شعره منها..
..................................................
........................
(((وبعدها تزوجو وعايشين بحب ورومنسيه وحكى بدر لملاك الحقيقه وانه هو اللي كان يكلهما وكيف صدمته لما عرف انها تحبه وكيف تعلق قلبه فيها وفي برائتها وحبها الطاهر وكل يوم يزيد حبهم خصوصا مع خبر حمل ملاك بتوم)))
[/size]