حصل موقف بيني وبين جوزى فقلت اجي افيد نعوماتى بنتايجه ؟؟؟؟؟

ازيكم يا احلى نعومات يوم الاثنين حصل توش


خفيف كده بيني وبين [ندعوك للتسجيل في المنتدى أو التعريف بنفسك لمعاينة هذا الرابط] واحتد النقاش بينا ونمنا والصبح صحيت لبست بنتي وقولتلها صحي بابا يوديك المدرسة وفعلا قام وداها على بال ما رجع كنت وقت أوضة النوم وبلبس عشان انزل شغلي لقيته جاي ثاير جدا وبيكلم في النقاش ال حصل بينا انا يا فتوكات مفتحتش بقي مع ان جوزي لم بيعصب بيبقى كلامه لاذع غير ان في خلاف بينا لاني اكتشفت خيانته لي وانا حاطة موضوع في استشارات زوجية (جوزي بيخوني مع واحدة رفضته زمان)
المهم انا فضلت ساكتة ولا كلمة وهو بيكلم كتير كتير وبعدين رمالي ده في نص الكلام انه مش هيوديني الشغل وكل واحد مع نفسه قلت يا بنت اسكتي ويا شوشو يا ال قاعد بتلعب بشاوكيش في راسي اخرس لحد ما خلصت لبس وهو دخل التواليت وانا نزلت بس بصراحة كنت مدايقة منه جدا ومن كلامه ونزلت وركبت تاكسي وانا قاعدة بفكر بعدين قلت ام اعمل الحركة دي بعتله مسج
(شكلك وانت مقموص وحش) وقلت للتاكسي رجعني مكان ما اخدتني يعني مافيش بتاع خمس دقايق ورجعت البيت لقيته قاعد بيتفرج عالاخبار هو المفروض كان داخل ياخد يستحمى بص لاقاني في وشه قلتله أستحميت قالي لأ قولتله ما انا عارفاك بتحب تستنى مامي تحميك وقلعت ولبست الترنج وقعدت جمبه وقلتله مبحبش شكلك وانت زعلان قالي بطلي بطلي وقومي شغلك رحت مكلمة الشغل وخدت اجازة وقولتله اننت كمان اجازة انهارده وقعد يتقل علي شوية وانا بصالحه بعدين خلاص وقعدنا نكلم ونعاكس بعض وبعد ما اتراضينا مع انه هو ال غلطان قمنا خدنا بنتنا من المدرسة الساعة10.30 ولم شافتنا عملت كده وكانت مبسوطة ان احنا الاتنين سوا وجنلها بدري لا وكمان هنخرج نفطر ونتغدى بره وننبسط والله بنتي كانت نفسيتها جميلة جدا وتعاكس بباها وتبوسه وتلعب معاه وهو بقى ما اقلوكوش على الصهللة وروحنا فطرنا واتمشينا وجه معاد الغداء وجبنا غداء وقضينا يوم جميل اخر اليوم بليل لقيته بيقولي ايه بقى!!!! على فكرة انا بحبك جدا وانت اغلى حاجة في حياتي وعمري ما ابدلك بأي ست في الدنيا يكفي انك بتعرفي تحافظي على بيتك كويس قوي، طب والله الكلمتين دول كأنهم وسام
عشان كده كل زوجة لازم تبقى ذكية ومافيهاش حاج لو [ندعوك للتسجيل في المنتدى أو التعريف بنفسك لمعاينة هذا الرابط]ك هو الغلطان وانت عرفت تسايسيه مس احسن ما البيت يبقى فيه جو نكد وتوتر وينعكس على البيت والاولاد لذلك ال ربنا يقدرها تعفو وتغفر وتطنش يبقى ده نعمة من عند ربنا والله وربنا ما يغير علينا ويجعل بيوتنا كلها حب و وئام و ود.

هههههه هو فعلا موقف ذكي جدا

وربنا يهدي الكل

ميرسي ليكي حبيبتي

اختى اميرة شرفنى تواجدك

قطرة تسلميلي يا عسل

نور ربنا يخليك حبيبتى
وجزيت خيرا على الدعوة الحلوة ديولكى بالمثل يا قمراية